Mjeku Vasil Llajo, duke folur për situatën virale, tha se në qarkullim janë 8 tipe të gripit. Ai tha se vaksina antigrip është e domosdoshme, sidomos te ata njerëz që kanë imunitet më të dëmtuar.
“Janë tetë tipe të gripit në qarkullim. Të gjitha gripet përbëjnë mozaikun e gripeve. Testimet ndihmojnë në parandalimin e situatës. Për disa profesione, vaksina antigrip është e domosdoshme”, tha Llajo në një intervistë për News24.
Sipas tij, vaksina antigrip është e domosdoshme, për ata që e gjykojnë se janë të sëmurë dhe kanë nevojë për këtë vaksinë.
“Mirë është që të ruajmë një dietë normale. Stili i jetës në verë ndikon në atë që do na ndodhë në dimër”, tha ai./ S,M
