Agjencia e Mbikëqyrjes Policore (Rajoni Durrës-Kavajë), ka arrestuar një inspektor policie dhe 2 të tjerë janë shpallur në kërkim, pasi nxorën naftë nga anija që ishte sekuestruar në Porto Romano.
DURRËS-Agjencia e Mbikëqyrjes Policore (Rajoni Durrës-Kavajë), ka arrestuar një inspektor policie dhe 2 të tjerë janë shpallur në kërkim, pasi nxorën naftë nga anija që ishte sekuestruar në Porto Romano.
Burime për Report Tv, bëjnë me dije se bëhet fjale për disa qindra litra naftë që ka qenë e sekuestruar, ku polici Armand Marvataj, 21 vjeç ka qenë me detyrë për të ruajtur anijen e sekuestruar me sasinë e naftës, por është korruptuar nga një person tjetër.
Polici 21- vjeçar në bashkëpunim edhe me dy personat e tjerë të shpallur në kërkim, Juxhin Koka, 31 vjeç dhe D. M. 34 vjeç, më datë 27.01.2025, rreth orës 15:00, kanë bërë nxjerrjen e një sasie të konsiderueshme nafte nga Anija “AYAZANOYBYA” me flamur të Tanzanisë, që ishte ankoruar dhe sekuestruar në Porto Romano, e cila ka qënë sekuestruar në cilësinë e provës materiale nga Prokuroria Durrës.
Marvataj, ka lejuar kundrejt pagesës prej 10,000 euro, të dhënë nga personi me inicialet J. K., nxjerrjen e sasisë së naftës të ndodhur në anije, në bashkëpunim me pjesëtarë të ekuipazhit.
bë i mundur arrestimi në flagrancë i punonjësit të policisë së Patrullës së Përgjithshme në Komisariatin e Policisë Durrës, Inspektor Armand Marvatah, 21 vjeç, i dyshuar për “Shpërdorim detyre” dhe “Korrupsioni pasiv i personave që ushtrojnë funksione publike”, si dhe u shpallën në kërkim shtetasit J. K., 31 vjeç dhe D. M. 34 vjeç, të dyshuar për “Kontrabanda me mallra që paguhet akcizë me pezullim të plotë ose të pjesshëm nga detyrimet doganore”, “Vjedhje e kryer në bashkëpunim”, dhe “Korrupsioni aktiv i personave që ushtrojnë funksione publike”’, njoftoi AMP.
Gjithashtu, në bashkëpunim janë kryer të gjitha veprimet proceduriale, duke përfshirë ri-këqyrjen e anijes, këqyrjen e pamjeve filmike në Porto Romano Durrës, marrje deklarimesh dhe marrjen e mostrave për ekspertim në të gjithë zonat e balastarve dhe ka rezultuar se sasia e naftës që ndodhej në këto hapësira në momentin e sekuestrimit (datë 12.01.2025) ishte zëvendësuar me ujë.
Në vijim të veprimeve, janë proceduar në gjendje të lirë 7 persona të huaj, të dyshuar për “Kontrabanda me mallra që paguhet akcizë me pezullim të plotë ose të pjesshëm nga detyrimet doganore”, “Vjedhje e kryer në bashkëpunim”.
