Në platformën TitTok paraqitet një sfidë e rrezikshme që targeton të rinjtë që sfidojnë njëri-tjetrin për të marrë doza të larta të paracetamolit qetësues – shpesh me pasoja fatale.
Mjeku Niko Beqarovski ka ngritur alarmin edhe për vendin tonë duke bërë thirrje për më shumë vigjilencë dhe kontrolle të prindërve.
Mjeku Niko Beqarovski përmes Facebookut ka paralajmëruar për sfidën e re të rrezikshme në TikTok që ka nis të qarkullojë nga fillimi I vitit. Bëhet fjalë, sic njofton KlanM, për konsumimin e dozave të mëdha të paracetamolit tek të rinjtë.
“Sado që të jetë e çuditshme, helmimet me paracetamol janë helmime më vdekjeprurëse me ilaçe. Madje edhe doza të vogla 1- deri 15 tableta shkakojnë dëmtime të mëlçisë, kurse helmimet me mbi 50 tableta shpeshherë përfundojnë me vdekje edhe gjatë mjekimit intensiv” – shkruan në Facebook mjeku Beqarovski, duke rikujtuar se çdo vit, 30% deri 50% të transplanteve akute të mëlçisë në SHBA dhe Evropë bëhen për shkak të helmimit me këtë ilaç.
Mjeku, sic njofton KlanM, bën thirrje që prindërit t`i kontrollojnë fëmijtë e tyre, sic thotë, para se të ndodh ndonjë tragjedi e re.
Por, edhe nëse ndodh helmimi, rekomandon masa dhe menjëherë të kërkohet ndihmë mjekësore, pasi sipas tij, sekondat ndonjëherë shpëtojnë ose humbin jetën e të rinjve.
Mjeku Beqarovski, sic njofton KlanM, ka shpërndarë edhe një artikul të një media të Zvicrës me titull “TikTok ‘sfida e paracetamolit’ shqetëson mjekët zviceran”, ku thuhet se disa kantone në Zvicrën perëndimore po paralajmërojnë kundër “Sfidës së Paracetamolit” që aktualisht është i shfrenuar në mediat sociale si TikTok.
Sipas medias zvicerane, autoritetet shëndetësore të kantoneve Fribourg, Jura dhe Vaud paralajmëruan të enjten popullatën për rreziqet e kësaj praktike. Farmacitë, sic percjell KlanM, janë thirrur të jenë më vigjilente kur u shesin këtë ilaç të rinjve, njoftuan kantonet.
Paracetamoli është një nga qetësuesit më të përdorur në botë. Përbërësi aktiv gjendet në ilaçe të shumta si Paracetamol-Mepha, Dafalgan, Panadol, Neocitran, Algifor dhe të tjerë./ S,M
