Një ngjarje e rëndë tronditi qytetin e Shkodrës këtë paradite, ku një 34-vjeçar qëlloi me armë partneren e tij dhe më pas i dha fund jetës.
Sipas Policisë, rreth orës 11:15 në lagjen “Mark Lula”, brenda një automjeti u gjetën Kole Manaj, 34 vjeç, dhe Anila Ndoka, 45 vjeç, të plagosur me armë zjarri. Hetimet paraprake tregojnë se Manaj fillimisht ka qëlluar partneren e tij në kokë dhe më pas ka kryer vetëvrasje.
E plagosura, nënë e tre fëmijëve, është transportuar me urgjencë në Spitalin e Traumës në Tiranë dhe ndodhet në gjendje kritike për jetën.
Çifti kishte katër vite që bashkëjetonte, ndërsa Anila Ndoka (Prenushi) punonte si punonjëse sociale në një qendër komunitare në Shkodër.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të tragjedisë./ S,M
