Presidenti Donald Trump urdhëroi shkarkimin e të gjithë prokurorëve federalë që punonin në administratën e Bidenit , duke akuzuar Departamentin e Drejtësisë se ishte “politizuar” si kurrë më parë në historinë e vendit.
“Gjatë katër viteve të fundit, Departamenti i Drejtësisë është politizuar si kurrë më parë. Prandaj, kam udhëzuar shkarkimin e të gjithë prokurorëve të mbetur të “Epokës Biden” në SHBA. Ne duhet të “pastrojmë shtëpinë” dhe të rivendosim besimin. Epoka e Artë e Amerikës duhet të ketë një sistem drejtësie të drejtë që fillon sot”, shkruan ai në rrjetet sociale.
Fjalët e shefit të Shtëpisë së Bardhë vijnë pasi administrata Trump u raportua kohët e fundit se kishte “shkarkuar më shumë se 20 prokurorë të emigracionit nga Departamenti i Drejtësisë”, të cilët ishin “punësuar së fundmi” për të shërbyer si “gjyqtarë pro emigracionit në gjykatat e emigracionit të vendit”.
Sipas mediave të huaja, administrata Trump është raportuar gjithashtu të ketë pushuar mbi një duzinë prokurorësh që kishin punuar më parë në rastet e prokurorit special Jack Smith kundër Trump, me një zyrtar të Departamentit të Drejtësisë që përmend mungesën e besimit se “këtyre zyrtarëve mund t’u besohet zbatimi besnik i agjendës së Trumpit”.
“Ëall Street Journal, duke cituar një zyrtar të Departamentit të Drejtësisë, tha se prokurori i Përgjithshëm në detyrë James McHenry ndërmori veprimin drastik sepse “ai nuk besonte se këtyre zyrtarëve mund t’u besohej zbatimi besnik i agjendës së presidentit për shkak të rolit të tyre të rëndësishëm në ndjekjen penale të presidentit.”
Ëendell Husebo i “Breitbart Neës“ raportoi më parë se Trump u kishte thënë gazetarëve në Zyrën Ovale se përdorimi i tij nga Departameti i Drejtësisë dhe Byroja Federale e Hetimit (FBI) nën administratën Biden kishte qenë një faktor në rizgjedhjen e tij dhe “ndoshta” e bëri atë të zgjidhej./E.T
