Presidenti i Ukrainës, Volodymyr Zelensky theksoi edhe njëherë se paqja mes vendit të tij dhe Rusisë është ende shumë larg. Një deklaratë që është komentuar edhe nga presidenti i Shteteve të Bashkuara të Amerikës, Donald Trump i cili në platformën e tij sociale, “Truth”, u shpreh se kjo ishte deklarata më e gabuar që ka bërë ndonjëherë Zelensky.
“Kjo është deklarata më e keqe që është bërë nga Zelensky dhe Amerika nuk do të durojë edhe për shumë gjatë. Po vërtetohet ajo që kam thënë, ky njeri nuk do paqe përsa kohë që ka Amerikën pas krahëve të tij. Në mbledhjen e fundit që pati me liderët europianë, Europa e bëri të qartë se ata nuk mund të ofrojnë të vetëm mbështetjen pa përkrahjen edhe të Amerikës.
Nuk është aspak një deklaratë e mirë në kuadër të shfaqjes së forcës kundër Rusisë. Çfarë janë duke menduar ata?”, përfundoi Trump reagimin e tij në platformën “Truth”. // SM
