Qyteti i Elbasanit, i njohur si kryeqendra e Ditës së Verës, ka nisur përgatitjet për festën tradicionale të Ditës së Verës.
Sic raporton gazetari i Neës24, Fatmir Popja, gjatë gjithë këtyre ditëve, në qytetin e Elbasanit do të zhvillohen aktivitete të larmishme që përfshijnë fëmijët e shkollave dhe kopshteve, e të rriturit.
Festimet kanë nisur këtë të diel me panairin tradicional të fëmijëve me qëllimin e madh të përçimit të traditës.
Me afrimin e festës së Verës, amvisat elbasanase kanë bërë gati cdo gjë, ku vëmendjen më të madhe në 14 mars e merr gatimi tradicional i ballokumes.
Bashkia e Elbasanit ka parashikuar një axhendë të ngjeshur festimesh të cilat do të kulmojnë në 13 dhe 14 Mars, por do të shkojnë edhe përtej kësaj date.
Ndërkohë festime të përmasave të mëdha të Ditës së Verës do ketë edhe në bashkinë e Belshit dhe në Çermenikë të Librazhdit, ku ka zanafillën kjo festë./ S,M
