Vrasje drejtpërdrejt në rrjetet sociale. Influencuesja Airi Sato nga Japonia, 22 vjeçare, vdiq si pasojë e plagëve të shkaktuara nga një individ gjatë transmetimit ‘live’ në internet.
Protagonistja ishte duke ecur nëpër lagjen Shinjuku teksa po bënte një video në një platformë transmetimi në rrjete sociale, kur një burrë e sulmoi atë me një thikë. Ai e goditi dhjetëra herë në qafë dhe gjoks derisa ajo vdiq, sipas transmetuesit publik NHK.
Menjëherë nisi një operacion i departamentit të policisë, i cili çoi në arrestimin e autorit të dyshuar të goditjes me thikë, Kenichi Takano , 42 vjeç. Ky i fundit u ka thënë hetuesve se ka shkuar në Tokio pasi ka parë një reklamë, e ka kërkuar dhe e ka lokalizuar, duke përfunduar me atë përfundim fatal./k.k
