Mëngjesin e sotëm në “Koha për t’u zgjuar” ishte i ftuar Kujtim Hoxha ekspert pensionesh. Ai është ndalur në Ligjin për Ushtarakët, ku ka sqaruar mënyrën e përllogaritjes së pensionit suplementar dhe periudhën nga e cila niset edhe përllogaritja e shumës që i takon personit.
“Të gjithë ushtarakët,, që përfshin jo vetëm ata që punojnë në Ministrinë e Mbrojtjes, por edhe policët, grupe të caktuara të emergjencave civile që për shkak të natyrës së veçantë të detyrës së tyre trajtohen me këtë ligj të veçantë.
Ligji për ushtarakët, krahas pensionit të pleqërisë që e marrin të gjithë në moshën 65 vjeç është edhe pensioni suplementar që përftohet në masën 1 përqind të pagës si ushtarakë. Në pensionin suplementar përftohet vetën ata që janë nën armë, pasi si vjetërsi pune për pension pleqërie shihet edhe pagesa kalimtare, e barabartë me gjysmën e pagës dhe ata që kanë përftuar pension të parakohshëm në punë. Për pensionin suplementar llogaritet vetëm periudha në detyrë”, tha ai./e.t
