Plot 12 kandidatët në lista e PD dhe PS për zgjedhjet e 11 majit, rezultojnë nën hetim, të paditur ose me doje në Prokurorinë e Posaçme. Edhe pse Rama tentoi të distancohej nga ata që kanë ngrënë dardha pas shpine, sërish në listë ka futur 4 emra që janë në hetim nga SPAK dhe nuk i dihet nëse do e gëzojnë mandatin nëse e marrin. Ndërkohë në PD lista është më e gjatë. Janë 10 emra që janë nën hetim ose kanë përfunduar për gjykim.
Duke i marrë me radhë. Te PS kemi Klotilda Bushkën. Kryetarja e Komisionit të Ligjeve është nën hetim për intimidim të dëshmitarëve dhe pengim të drejtësisë. Ajo ka dalë te dosja “Veliaj”.
Emër tjetër është Olta Xhaçka. Ajo po hetohet prej shumë kohësh për afera me pronat e ushtrisë dhe veçanërisht privatizimin e portit të Sarandës.
Emër tjetër është Ceno Klosi. Ky i fundit kandidon në Fier në listë të hapur, por SPAK ka nisur një hetim për të kur ishte drejtor i Tatimeve. Po ashtu mësohet se dosje ka në SPAK edhe kundër ministrit Pirro Vëngu. Ai është paditur disa herë për abuzime kur drejtonte Portin e Durrësit.
Te PD kemi në krye të listës Sali Berisha, i cili është dërguar për gjykim për aferën “Partizani”. Pas tij vjen Ilir Meta, i cili ndodhet në qeli për korrupsion dhe fshehje pasurie. Fatmir Mediu Po ashtu është në proces gjyqësor për Gërdecin. Belind Këlliçi po hetohet për falsifikim të diplomës dhe fshehje pasurie.
Po ashtu për fshehje pasurie janë Flamur Noka me Asllan Dogjanin dhe Luan Baçin. Bardh Spahia është marrë i pandehur për shpërdorim detyre, ndërsa Dashamir Xhika po hetohet për abuzime kur drejtonte ARRSH.
Pra duket se e ka SPAK në dorë nëse do e gëzojnë apo jo mandatin emrat më lart.
Emrat me dosje në SPAK
PS
1. Klotilda Bushka, po hetohet për pengim të drejtësisë dhe intimidim dëshmitarësh te dosja “Veliaj”
2. Olta Xhaçka, nën hetim për afera me pronat e ushtrisë
3. Pirro Vengu, i paditur disa herë për afera te Porti i Durrësit
4. Ceno Klosi, nën hetim për afera si drejtor i Tatimeve
PD
1. Sali Berisha, dërguar për gjykim për aferën “Partizani”
2. Belind Këlliçi, nën hetim për falsifikim dokumentesh dhe fshehje pasurie
3. Fatmir Mediu, po gjykohet për Tragjedinë e Gërdecit
4. Asllan Dogjani, dërguar për gjykim për fshehje pasurie
5. Ilir Meta, në qeli për korrupsion dhe fshehje pasurie
6. Bardh Spahia, i marrë i pandehur për shpërdorim detyre
7. Xhelal Mziu, ka nisur një hetim për dy tenderë pastrimi kur ishte kryetar bashkie në Kamëz
8. Dashamir Xhika, në shkurt ishte hera efundit që shkoi në SPAK. Po hetohet për disa tenderë kur ishte në krye të ARRSH.
9. Luan Baçi, nën heitm fshje pasurie
10. Flamur Noka, nën heitm ëpr fshje pasurie/ S,M
