Kreu i LZHK, Dashamir Shehi në një dalje televizive ka folur për largimin e deputetit Dashnor Sula nga Partia Demokratike.
Shehi u shpreh se Sula ka bërë një veprim burrash dhe tha se e njëjta situatë është dhe në PS, por atje nuk guxon njeri të thotë të vërtetën. Ai më tej u shpreh se në PS janë të gjithë të pakënaqur.
Kreu i LZHK, partia e të cilit është në koalicion me “Djathtas 1912”, deklaroi se teatrit Rama-Berisha po i vjen fundi dhe premtimin e Ramës për integrimin në BE e quan banal.
Kemi pritshmëri të mira. Unë jam optimist që këtij teatri Rama-Berisha, po i vjen fundi dhe besoj është një perceptim që e ka i gjithë populli shqiptar. Qoftë edhe për Europën që e ka bërë flamur zoti Rama. Zoti Rama na ka lënë kështu se ka 12 vite në pushtet. Ky premton një premtim banal. Gjysma e shqiptarëve janë në Europë edhe pa Edi Ramën…Ky të bëjë arsimin e Shqipërisë si Europa, rrugët e Shqipërisë si Europa se janë një kazan plehrash”, tha Shehi./ S.M
