Fëmijë, gra e burra, të gjitha moshat mblidhen bashkë në kryegjyshatën botërore në Tiranë. Dëshirat dhe lutjet e tyre shkojnë për më shumë lumturi dhe dashuri mes njëri-tjetrit, duke i shprehur nëpërmjet qirinjëve të ndezur, një nga ritet e kësaj feste.
Besimtarët bektashinjtë festojnë sot “Sulltan Nevruzin”, një nga festat më të rëndësishme të tyre, ditëlindjen e të madhit imam Aliut.
Fëmijë, gra e burra, të gjitha moshat mblidhen bashkë në kryegjyshatën botërore në Tiranë. Dëshirat dhe lutjet e tyre shkojnë për më shumë lumturi dhe dashuri mes njëri-tjetrit, duke i shprehur nëpërmjet qirinjëve të ndezur, një nga ritet e kësaj feste.
Ndërkohë Kryegjyshi Botërorë i Bektashinjve Haxhi Dede Baba Edmond Brahimaj do i drejtohet besimtarëve bektashinjtë me një mesazh.
Në këtë ditë vijnë dhe urimet nga politika.
22 marsi konsiderohet nga besimtarët bektashian një ditë e shenjtë.
Çfarë është Sulltan Nevruzi
Fjala “Nevruz“ do të thotë “Dita e re” (nga persishtja) dhe ’Sulltan’, është titull i lartë. Kjo ditë, e ka origjinën që herët. Në Shqipëri filloi të festohej që kur u përhap bektashizmi në shekujt XIV. Dita e Sulltan Nevruzit përkon me ditën e lindjes së Imam Aliut një nga shenjtorët më të mëdhenj të të gjitha kohërave dhe, i pari i dymbëdhjetë imamëve. Prandaj kjo festë, për bektashinjtë përfaqëson një ditë të shënuar dhe më të bekuarën e vitit.
Gatimet për festën e Sulltan Nevruzit
Dita nis me një gotë qumësht, i cili simbolizon lindjen e një dite të re. Ndërkohë ushqimet karakteristike janë byreku me 12 lloj të ndryshme barishtesh. Bimët e tokës simbolizojnë jetën e re që çel në pranverë dhe begatinë, brenda në byrek futet edhe një monedhë metalike.
Gatuhet përshesh me pulë ose mish qengji, qengji i pjekur, sultiash është ëmbëlsira karakteristike e kësaj dite, sepse përbëhet nga qumështi, që është simbol i qumështit të nënës, orizi që simbolizon drithërat, bollëkun dhe sherbeti që merret i kënduar në teqe.
