Eriduti, një qytet, në pjesën jugore të Mesopotamisë, konsiderohet si qyteti i parë që u krijua në botë.
Gërmimet e kryera në zonë konfirmojnë se mbetjet e tij datojnë, të paktën, që nga viti 5000 para Krishtit. Gjatë gjithë kësaj kohe janë zbuluar aspekte të ndryshme që lidhen me qytetin, dhe ditët e fundit ka ndodhur një tjetër zbulim: një rrjet i gjerë kanalesh prej 7.000 vjetësh.
Eriduti ndodhet në jug të Irakut. Sipas traditës sumeriane, ky qytet është më i vjetëri i Mesopotamisë dhe gjithashtu konsiderohet si civilizimi më i avancuar i historisë.
Tani, në rrethinat e Eridut, një ekip hulumtuesish nga Universiteti Al-Qadisiyah i Irakut ka hartuar 200 kanale kryesore dhe më shumë se 4.000 kanale dytësore dhe më të vogla. Me ndihmën e imazheve satelitore, analizës së peizazhit dhe regjistrimeve me dronë të krahasuara me hartat historike, ata kanë gjetur gjurmë njerëzore që datojnë mijëra vjet më parë.
Siç ndodhte edhe në pjesën tjetër të rajonit të Mesopotamisë, rëndësia e lumit Eufrat në Eridu ishte thelbësore. Me një gjatësi prej rreth 3.000 kilometrash, ndihmonin në transportimin e ujit për kulturat e rreth 1.000 fermave, të cilat ndodheshin pranë kanaleve më të vogla. Nga ato më të mëdhatë, deri në nëntë kilometra të gjatë dhe pesë metra të gjerë, deri te ato më të voglat./ S,M
