Avokat Spartak Ngjela në një dalje televizive ka folur për drejtuesin e fushatës së PD, Chris LaCivita. Ngjela tha se Berisha ka marrë drejtuesin e fushatës së Trump për t’u thënë shqiptarëve që është i Amerikës.
Më tej avokati u shpreh se nuk ka asnjë lidhje një kompani private me Amerikën dhe e gjitha kjo është nonsens.
“Janë organizma që paguhen, nuk janë staf i presidentit. Ky ka vajtur e ka marrë atë që t’u thotë shqiptarëve jam i Amerikës. Ç’lidhje ka Amerika me një kompani private që nuk dihet ku është tani? Nonsens”, tha Ngjela.
Sa i përket ardhjes në pushtet të Partisë Demokratike, Ngjela tha se mund të ndodhë vetëm nëse ikën nga drejtimi i saj Sali Berisha. E nëse ky largim ndodh, avokati u shpreh se kundërshtarët socialsitë fillojnë zinë, pasi me Berishën fitojnë gjithmonë.
Për figurën e Berishës, Ngjela tha se është një njeri i konsumuar që nuk ka vota.
“Kjo ka qenë fushata e Saliut, gjithë jetën, nonsense dhe mashtrime. Duhet të largohet që PD të vijë në pushtet. Si mund të jetë kryeministër i Shqipërisë një njeri që është “non grata” në Amerikë për korrupsion? Po nuk është Berisha nuk dihet se ç’ndodh. Nëse bie Saliu, socialistët fillojnë zinë. Të jetë ky se fitojnë gjitmonë. Një njeri i konsumuar që nuk ka vota”, u shpreh avokati./ S,M
