Ajo që nuk pritej, ndodhi: takimi mes Olsi Bylykut dhe Egli Takos u realizua prime-n e mbrëmshëm të Big Brother.
Nuk pritej, sepse çifti janë ndarë jo mirë me njëri- tjetrin: Egli ka kërkuar të sqarohej me ish-partnerin, por ky i fundit ka refuzuar kategorikisht.
Madje, në nisje të historisë së Eglit me Gjestin, Olsi doli në një video ku tha: Ju lutem, mos më nisni më çfarë ndodh rreth e qark, sepse jam me grua në shtëpi. Shenjë tjetër kjo, që tregonte se ai nuk donte t’ia dinte më për Eglin.
Por duhet thënë se Olsi Bylyku është pak kontradiktor mes asaj që thotë dhe asaj që bën. Teksa ishte i lidhur me gazetaren Denada Lura, i kushton këngën ‘Ish’ Eglit (nuk ka nevojë të shprehet, se kënga i thotë të gjitha).
Teksa kërkojnë ta lënë të qetë se ‘ka grua në shtëpi, nxjerr këngën ‘Drama’ (totalisht një dedikim për Eglin).
Ndërkohë, mbrëmë, ndodh edhe takimi. Por pse? Kur çifti janë ndarë dhe secili po përpiqet të mbajë fort lidhjen e re, pse duhej ky takim? Vetëm se Egli e ka lavdëruar aty brenda Olsin, kur nuk ia varte Gjesti? Po Olsit nuk i interesonte çfarë po ndodhte…
Përgjigja është e thjeshtë: Duke i bërë këtë nder Top Channel-it, ai heq qafe gjyqin që ka të hapur me median dhe nga ana tjetër forcon marrëdhëniet me ta, duke qenë se i ka prishur që nga koha që doli nga Big Brother dhe nuk la gjë pa thënë, aq sa bëri edhe këngë për këtë gjë.
Pra, pas fjalëve të mirënjohjes dhe qytetërimit të dy njerëzve që janë dashur por tani janë ndarë, qëndron vetëm interesi dhe shfrytëzimi i situatës.
Egli mbase edhe e ka kuptuar, sepse nuk besojmë t’i falë periudhën e errët që përjetoi prej tij. // S.M
