Edhe pse pranvera kishte filluar, kryeqyteti i Turqisë, Ankaraja, u zgjua ditën e djeshme me një surprizë të papritur, pasi një stihie e pazakontë e mbuloi qytetin me shtresë bore.
Bora nisi që në orët e para të mëngjesit, duke transformuar shpejt rrugët, makinat dhe çatitë në një peizazh dimëror të mrekullueshëm, duke i lënë banorët të befasuar, të cilët kishin pritur lule prilli dhe jo reshje bore.
Guvernatori Vasip Sahin njoftoi mbylljen e shkollave për një ditë dhe e lejoi lejen administrative për disa punonjës publikë. Ekipet e emergjencës për heqjen e borës u dërguan menjëherë nëpër gjithë qytetin, si masë paraprake për të siguruar lëvizjen e lirë.
Përveç që reshjet e borës ndikuan në përditshmërinë e qytetarëve, ato sollën një zhvillim të mirëpritur në rezervat ujore të Ankarasë, të cilat kishin arritur nivele alarmante, vetëm 26.19% të kapacitetit total, me 16.20% të konsideruar të përdorshëm./E.S
