Një muaj nga zgjedhjet parlamentare të 11 majit, SPAK hap zyrtarisht fushatën për hetimin e krimeve zgjedhore.
Bëhet me dije me se prokurorët dhe agjentët të caktuar në evidentimin e krimeve zgjedhore, kanë dalë në terren këtë të shtunë, për të zhvilluar takime me drejtuesit e policive dhe drejtuesit e prokurorive.
Mësohet se prokurorët e posaçëm do të shoqërohen edhe nga agjentët parandalimin e krimeve zgjedhore, të cilët do të fillojë më analizimin e kallëzimeve të referuara, paralelisht edhe me referimet e pasqyruara në platformën e SPAK për të cilën prej muajit mars është aktive.
Burime bëjnë me dije se çdo ditë adresohen denoncime nga qytetarët, ku në të shumtën e rasteve është e vështirë identifikimi i tyre për shkak të anonimatit.
Vetëm në vitin që lamë pas nga ana e Prokurorisë së Posaçme janë hetuar 43 procedime penale për 7 persona nën hetim për vepra që lidhën më krime zgjedhore.
Por pavarësisht numrit të lartë shumë prej kërkesave janë adresuar prokurorive të rretheve për shkak të kompetencës. Aktualisht, SPAK po heton 22 procedime penale me 4 persona nën hetim.
