Temperaturat u rritën këtë fundjavë dhe në Vlorë gjejmë shumë turistë të huaj që bashkë me detin e atraksionet e qytetit shijojnë edhe diellin.
Kryesisht të rinj që vijnë me grupe kanë më së shumti interes të vizitojnë bregdetin me mjete lundruese. Gjiret e Karaburunit, por edhe ishulli i Sazanit, janë dy prej destinacineve të zgjedhura prej tyre, jo vetëm për bukuritë natyrore por edhe për historinë e tyre.
“Muaji prill ka një fluks të shtuar të turistëve të huaj por mbizotërojnë turistët Francezë, Anglezët por nuk mungojnë dhe polakët Indianet etj. parashikohet një bum pushuesit këtë vit madje dyfishi i vitit të kaluar”, shprehet Neart Meminaj, operator turistik.
Mes të huajve që vizitojnë Vlorën ka nga ata që vijnë për herë të parë, por edhe turistë që rikthehen.
“Është e para herë që vij këtu, më pëlqen deti, dielli, ushqimi është shumë bukur. Natyra është fantastike”, shprehet një turist.
“Është e dyta herë që vij në Vlorë. Vij më familjen nga Birmingani, është shumë bukur, Vlora nuk ka të krahasuar me Birmingamin. Njerëzit këtu janë shumë miqësor dhe çmimet janë shumë të lira”, thotë një turiste
“Nuk është hera e parë që vij në Shqipëri është shumë bukur dhe po e shikoj këtë vend te mrekullueshëm”, thotë një tjetër turiste.
Gjatë shëtitjes në gjirin e Vlorës, disa turistë nga Ukraina kanë patur fatin të përshëndeten edhe nga një grup turistësh./k.k
