Një ngjarje tragjike ka tronditur futbollin shqiptar mbrëmjen e së martë, gjatë ndeshjes gjysmëfinale të kampionatit 9×9, mes ekipeve FC Dajti dhe FC Lumninesen.
Futbollisti B.H., 28 vjeç, pjesë e skuadrës së FC Dajtit, ka pësuar atak kardiak në mes të fushës. Pavarësisht ndërhyrjes së menjëhershme dhe ndihmës mjekësore që iu dha në vendngjarje, ai nuk arriti të mbijetojë dhe ndërroi jetë tragjikisht.
Kjo fatkeqësi rikthen në vëmendje rastin e fundit të ngjashëm, ku futbollisti i njohur i Superiores, Raphael Dëamena, humbi jetën po ashtu në fushë, pas një ndalese kardiake.
Ngjarja e djeshme ka shkaktuar tronditje të thellë te bashkëlojtarët, stafet dhe të gjithë komunitetin sportiv, ndërsa priten njoftime zyrtare nga organizatorët e kampionatit dhe autoritetet për detaje të mëtejshme. / S,M
