Kryesocialisti Edi Rama zhvilloi këtë të mërkurë një takim elektoral me qytetarët e Skraparit në kuadër të zgjedhjeve parlamentare të 11 majit.
Gjatë fjalës së tij, Rama nuk “kurseu” as forcat e reja dhe të vogla politike në vend, duke thënë se po mashtrojnë qytetarët vetëm për vende në parlament.
“Janë disa zogj të vegjël që kanë dalë, jo bëhet, jo s’bëhet, jo bashkë. Ata mua më heqin mallin e Sudes dhe Rrapush Xhaferrit: Jepu votën e tyre dhe këtu nuk do të ketë më korrupsion, padrejtësi, asnjë problem, vetëm jepu për një vend në parlament”,-tha Rama.
“Përveç atyre është dhe Luli. Ai të paktën është koalicion tekpull. Ai është i vetmi koalicion në histori që është tekpull. Kur e pyesin sa parti janë në koalicion, thotë: hyni në internet dhe e gjeni vetë. Ai është shumë i madh, do të na mungojë”,-tha Rama./e.t
