Kreu i Partisë Mundësia, Agron Shehaj, ishte sot në takim me banorët në Shkodër, ku shpalosi një pjesë të programit të forcës politike që drejton, duke u shprehur se nuk do të dorëzohet deri në fund për të bërë ndryshimin.
“Jemi të lodhur nga politika e vjetër. Ne kemi një projekt afatgjatë. Nuk do të dorëzohemi, me durim duhet të ecim para. Ndryshimi është një proces, ta bëjmë Shqipërinë vendin e mundësive.
Çdo ide në fillim duket e pabesueshme. E dëgjoni shpesh që thonë partitë e reja nuk ia dalin dot. Por nëse ne nuk bëhemi bashkë, duke besuar çdo ditë e shumë se ky regjim duhet shembur, atëherë do të vijë edhe dita jonë.
Nuk kam pranuar asnjë lloj pazari. Jemi një grup gjithnjë e më shumë i madh, sepse besojmë. Do të jetë e vështirë, i kemi të gjithë kundër, por forca jonë është pikërisht kontrasti. Jemi ndryshe dhe kjo i bezdis ata.
Ne jemi totalisht ndryshe nga ana dhe kjo i bezdis. Njerëzit e dallojnë, e kuptojnë se duan t’i mashtrojnë për të qëndruar në ato karrige. Duan të shpëtojnë privilegjet e tyre dhe ne jemi kërcënim për ta sepse ne jemi e vetmja alternativ që mund të fitojmë besimin e qyqarëve. Pak nga pak. Është një proces dhe ndryshimi do vijë.
Kjo varet vetëm nga, jo nga ata. Nuk varet nga sa na luftojnë, por sa ne do rezistojmë, do këmbëngulim dhe nuk do të dorëzohemi. Ne do të bëjmë diferencën. Sulmet e tyre e tyre janë të egra, sepse ata duan të mbajnë status quo-në, duan që të vazhdojnë të vjedhin. Por ne duhet të rezistojmë dhe ne këtë do të bëjmë. Do ta shikoni, zgjedhjet e ardhshme janë hapi i parë. Ky është një projekt politik afatgjatë.
Shqipëria kurrë nuk ka patur një qeveri të pa korruptuar dhe këtë duhet t’ia japim Shqipërisë. Që kjo të ndodhë duhet të këmbëngulim. Të bëjmë një detyrë të thjeshtë. Më 11 maj të votojmë për ndryshimin, për Partinë Mundësia. Nuk është kaq e vështirë. Ndryshimi vjen me vota. Vota për partinë Mundësia është vota më me vlerë që mund të jepni” – theksoi Shehaj. m.p.
