Valbona Myhedin, kandidate e Shqipëria Bëhet, ka folur sot në emisionin “Shqipëria Live” në lidhje me pretendimin e saj dhe ekipit të saj se një person i ka kërcënuar me armë dhe i ka intimiduar, duke thënë se ai është ‘patronazhist’ si dhe ‘pjesë e bandave’.
Në lidhje me këto pretendime, ajo është hasur në një debat me gazetarin Anri Bala, i cili ndodhej në studio. Ai i tha se duhet të ketë raport policie për ato akuza që bën, ndryshe janë të pavërteta.
Pjesë nga debati:
Bala: Nga e dini që janë patronazhistë?
Myhedin: Po, po patronazhistë… kush po më flet?
Bala: Po s’ka rëndësi kush flet, ne na peshon fjala.
Myhedin: Bëhuni më i paanshëm.
Bala: Pse ti do na tregosh sa të anshëm apo paanshëm jemi?
Myhedin: Po po unë.
Bala: Nuk e di për rastin, po gënjen që ishin patronazhistë se nuk e ke mundësinë ta bësh verifikimin. Ju nuk jeni në luftë për të marrë pushtetin, as keni për ta marrë ndonjëherë…. Nuk e keni me median dhe gazetarinë, ju nuk e dini se me kë e keni. Ti nuk tregove për ne? Apo që ke ardhur nga Amerika…
Myhedin: Ki respekt
Bala: Ju na fyet
Myhedin: Kush jeni ju që po ju fyej? Jeni prokurorë?
Bala: Aha! Ku na pe moj zonjë që jemi të anshëm? Ne ju dhamë dhe të drejtë! Ti po gënjen, nxirr raportin e policisë pra
Myhedin: Ti je gazetar, nxire raportin
Bala: Ti po gënjen pra, ma nxirr raportin që ky është pjesëtar bandash apo që ishte patronazhist dhe ju kanë kërcënuar
Myhedin: Mos ofendo, bashkë shikohemi në gjykatë pas këtij emisioni
Bala: Ç’a thotë? Do shihemi në gjyq? E di sa kam kaluar si puna jote unë me gjyqe! Kam qenë në gjysh bashkë me atë avokatin e partisë tënde, se ka qenë avokat! m.p.
