Gazetarja e “Fjala.al”, Monada Mehmetaj, jep lajmin e mirë si e dërguara e redaksisë sonë në Parlamenti Europian: Kosova vijon rrugën për anëtarësim në institucionet europiane me 353 vota pro, 144 kundër dhe 78 abstenime!
Mehmetaj sot tha fjalën e saj në konferencën e Parlamentit Europian me dy raportuesit, Riho Terras dhe Tonino Picula, të cilët kanë hartuar raportet për Kosovën dhe Serbinë. Gazetarja raporton se Kosova mori 61% të votave të eurodeputetëve të pranishëm.
“Kosova vijon rrugën e saj për anëtarësim në Institucionet Europiane me 353 vota pro, 144 kundra dhe 78 abstenim”, raporton gazetarja e njohur me entuziazëm, duke theksuar se Kosova po bën çdo hap të nevojshëm në rrafshin politik për afirmimin e mëtejshëm në arenën ndërkombëtare. m.p.
