Ministri francez i Drejtësisë, Gérald Darmanin, gjatë një vizite në rajon, deklaroi për gazetën Le Journal du Dimanche se burgu do të ketë si objektiv krimin e organizuar “në të gjitha nivelet” e trafikut të drogës.
Ai tha gjithashtu se kjo do të jetë një mënyrë e përhershme për të larguar udhëheqësit e rrjeteve të trafikut të drogës nga Franca kontinentale. “Baronët e drogës nuk do të jenë më në gjendje të kenë asnjë kontakt me rrjetet e tyre kriminale”, theksoi Darmanin.
Burgut, me një vlerë prej 400 milionë eurosh, i planifikohet të jetë funksional deri në vitin 2028 dhe do të ndërtohet në një zonë të izoluar thellë në xhunglën e Amazonës, në veriperëndim të Guajanës Franceze.
Kapaciteti do të arrijë deri në 500 të burgosur, me një sektor të veçantë të projektuar për kriminelët më të rrezikshëm.
Ky projekt u njoftua pas një vale incidentesh të dhunshme të lidhura me bandat kriminale, sipas raportimit të BBC-së.
Qeveria franceze ka njoftuar gjithashtu krijimin e një degë të veçantë të prokurorisë për luftën kundër krimit të organizuar. Autoritetet përkatëse do të pajisen me fuqi shtesë, ndërkohë që do të krijohet edhe një regjim i posaçëm mbrojtjeje për informatorët.
Burgut të ri do t’i afrohet qyteti Saint-Laurent-du-Maroni, i cili ndodhet pranë ish-portit hyrës për në famëkeqin kolonial penal të Ishullit të Djallit (Île du Diable), ku nga viti 1852 deri më 1954 u dërguan rreth 70.000 të dënuar nga Franca kontinentale.
Në këtë koloninë ndodhen ngjarjet e filmit të njohur Papillon me aktorët Steve McQueen dhe Dustin Hoffman, bazuar në librin autobiografik të një autori francez./e.t
