Hailey Bieber është lodhur nga fakti që jeta e saj po analizohet në mënyrë të detajuar, veçanërisht pas ardhjes në jetë të fëmijës së saj të parë me bashkëshortin Justin Bieber.
Gjatë një interviste për Vogue, të publikuar dje, themeluesja e markës Rhode, 28 vjeç, foli për urrejtjen që ka marrë në muajt e fundit dhe spekulimet e vazhdueshme për martesën e saj. Ajo dhe Justin, 31 vjeç, mirëpritën djalin e tyre, Jack Blues, në gusht 2024.
“Periudha pas lindjes është më e ndjeshmja që kam kaluar ndonjëherë në jetën time. Të mësosh një version të ri të vetes është shumë e vështirë. Ndërkohë, ta përballosh këtë çdo ditë duke hapur telefonin (lundruar në internet) dhe duke parë njerëz që thonë: “Ata do të divorcohen” dhe “janë të palumtur”, është një mbingarkesë e çmendur për mendjen (time)”.
Ajo shtoi se as nuk mund të gjejë fjalët për të përshkruar këtë moment dhe se është një periudhë shumë e çuditshme.
Më tej, Hailey foli edhe për procesin e pranimit të ndryshimeve të trupit pas lindjes dhe gëzimin që ndjen çdo mëngjes kur zgjohet pranë familjes së saj, të cilën e cilësoi si “shumë të bukur”.
Hailey e trajtoi shëndetin mendor si një “muskul që duhet ushtruar”. Ajo gjeti një terapiste, u përball me ndjesitë e saj, mori suplementet që i rekomanduan dhe i pranoi uljet dhe ngritjet e humorit që i shkaktonin hormonet. Hailey u shpreh se jo gjithnjë e njihte trupin e saj dhe se u përball me një imazh të ri të vetes, i cili u pasua edhe me “urrejtje” të një niveli që s’e kishte përjetuar kurrë më parë. Megjithatë, ajo gjeti disa afirmime që ia thotë vetes çdo ditë,
“Çdo ditë duhet t’i flas vetes: Hailey, ti ke sjellë në jetë një fëmijë. Ti po rrit një qenie njerëzore. Ti solle në jetë një qenie njerëzore. Është ok. Transmetoji vetes mirësi. Jepi vetes kohë”, tha ajo.
Hailey dhe Justin janë hasur shpesh me thashetheme për probleme në martesën e tyre, megjithëse nuk ka dalë asnjë konfirmim/mohim nga vetë ata. Kujtojmë gjithashtu se Hailey është sulmuar shpesh në internet, veçanërisht nga njerëzit që thjesht nuk e pranojnë dot se Justin dhe Selena Gomez janë ndarë dhe se secili ka vijuar jetën e vet./E.Ç
