Pas shkëmbimit të të burgosurve Rusia është gati të paraqesë planin e paqes me Ukrainën. Këshu deklaroi Ministri i Jashtëm i Rusisë, Sergei Lavrov, i cili theksoi se Moska po punon në fazën e dytë të marrëveshjeve të arritura në Stamboll.
Sipas tij, faza tjetër përfshin përgatitjen nga secila palë të një dokumenti të propozuar që do përcaktojë kushtet specifike. Sergei Lavrov theksoi se duhet arritur një marrëveshje paqeje e qëndrueshme, afatgjatë dhe gjithëpërfshirëse.
“Ne, nga ana jonë, mbetemi të përkushtuar ndaj marrëveshjeve të arritura gjatë bisedimeve të Stambollit. Aktualisht po përfundojmë procedurat e brendshme për përpilimin e listës së të burgosurve, brenda kuadrit të marrëveshjes së shkëmbimit në raportin ‘një mijë për një mijë’.”-tha Lavrov. m.p.
