Në një deklaratë publike, Kryetarja e Kuvendit Elisa Spiropali i cilësoi veprime si një “njollë të zezë në diskursin politik shqiptar”. Kryetarja e Kuvendit, ka reaguar ashpër ndaj përpjekjeve të opozitës, që sipas saj synojnë të njollosin emrin e Shqipërisë në arenën ndërkombëtare.
“Dënoj me forcë përpjekjet e atyre që nuk po lënë gur pa lëvizur e fjalë të zezë pa thënë për vendin e tyre, vetëm për të bishtnuar përgjegjësisë. E kam fjalën për ata që, pasi kanë nxirë fytyrën e tyre dhe kanë shkatërruar gjithçka rreth vetes, tani janë sulur për të përdhosur emrin e Shqipërisë dhe të shqiptarëve,” tha Spiropali.
Kryetarja e Kuvendit iu referua edhe udhëtimeve të fundit të disa përfaqësuesve të opozitës me një dokument që paraqitet si rezolutë ndërkombëtare, por që sipas saj “është thjesht një trakt kundër Shqipërisë, progresit dhe imazhit të saj”./kb
