Një 31-vjeçar shqiptar në Skoci është zhdukur pa lënë asnjë gjurmë që prej të shtunës së 4 korrikut.
Bëhet fjalë për Iren Muçën, i cili kishte pak kohë që kishte shkuar me banim në Paisley dhe fliste pak anglisht.
Autoritet vendase janë vënë në kërkim të tij dhe bëjnë me dije se Iren Muça u pa për herë të fundit në rrugën “Christie” të qytetit rreth orës 2:30 pasditen e të shtunës
Policia skoceze ka publikuar foton e tij dhe kur u pa për herë të fundit ishte i veshur me tutat të errëta vrapimi, bluzë e kuqe, atlete me ngjyrë të errët.
“Iren ka pak që ka ardhur në Paisley dhe nuk e njeh fare zonën. Me sa jemi në dijeni, ai nuk ka pasur kontakte me askënd që kur është parë për herë të fundit. Ne besojmë se ai ka një sasi të vogël parash me vete dhe një telefon celular. Oficerët aktualisht po kontrollojnë për ta gjurmuar atë dhe po punojnë me operatorët e transportit lokal, si dhe kolegët në Policinë e Transportit Britanik, në përpjekje për ta gjurmuar atë. Kushdo që e di se ku është Iren ose që ka ndonjë informacion që do t’i ndihmojë oficerët në gjetjen e tij, mund të telefonojnë Zyrën e Policisë Paisley në numrin 101. Ju lutemi citoni numrin e referencës 1030 të 7 korrikut 2020 kur telefononi.” tha rreshteri Megan Bryson, nga Stacioni Policor Paisley.
/En.Br./Fjala.al