Kreu i PS-së Edi Rama u shpreh se vendimi për hapjen e listave nuk lidhet me kalkulimet elektorale.
Gjatë fjalës së tij ai us hpreh se PS-ja nuk ka asnjë lloj qëllimi tjetër përveç se të përmirësojë Shqipërinë dhe ti japë sa më shumë shanse.
Ndër të tjera ai thekson se opozita parlamentare nuk mund të marrë gjithçka që kërkon, ndërsa opozita jashtë parlamentare ndihet e kërcënuar nga hapja e listave.
“Ndryshimet nuk vijnë si rezultat i kalkulimeve tona elektorale, PS-ja është partia më e madhe e shqiptarëve sot, mbas një viti kur të bëhen zgjedhjet të shohim. Por pa asnjë diskutim, PS-ja nuk ka asnjë lloj qëllimi tjetër përveç se të përmirësojë Shqipërinë dhe ti japë sa më shumë shanse. Nuk ka asnjë lojë, apo pazar. Opozita parlamentare ndihet e kërcënuar nga numërimi partiak, kanë të drejtën e tyre, i kuptoj.
Opozita parlamentare nuk mund të marrë gjithçka që kërkon, opozita jashtë parlamentare ndihet e kërcënuar nga hapja e listave, por nuk mund ti marrin të gjithë. Por kjo PS-ja që është forca më e madhe, ka të drejtën e vet të ketë ndonjë dëshirë, ka vetëm në këtë proces, që të gjithë të tjerët të marrin sa më shumë nga ajo që kërkojnë, për ne është OK”, u shpreh Rama.
Gjithashtu kryeministri Rama tha se nuk punon që partia e tij të humbasë, por siç u shpreh ai është i gatshëm ta bëjë Bashën dhe PD pjesë të fitores.
“Unë nuk punoj që PS të humbasë dhe të fitojë PD. Unë patjetër jam i gatshëm të bëj Bashën dhe PD pjesë të fitores. Ky nuk është ndryshim i rregullave të lojës. Rregullat e lojës janë të gjitha të shkruara në marrëveshje.
Ky është një ndryshim që fut qytetarët në lojë më shumë seç janë sot. E përsëris edhe njëherë që natyrisht që kush kërkon alibi për të krijuar situata konflikti e kemi parë në 30 vjet histori që nuk e ka zor ti gjejë alibitë, por unë nuk jam këtu për të menaxhuar problemet psikologjike apo politike të askujt”, tha Rama./Bl.Ba/Fjala.al
