Pesë shqiptar janë arrestuar ditën e sotme nën akuzën e shitjes së kokainës, në Itali.
Dyshohet se të arrestuarit furnizonin me lëndë narkotike sheshin e Ternit. Ata blinin dhe paketonin në bazën e tyre në një shtëpi me qira, lëndë narkotike, duke shitur rreth 1 kilogram kokainë brenda pak ditësh.
Hetimet nisën pas një arrestimi të kryer në mars të këtij viti, ku një shqiptar u gjet me rreth 500 gram kokainë dhe 14 mijë euro kesh.
Operacioni i quajtur “Karantina” për shkak të periudhës kur u zhvillua, bëri të mundur arrestimin e 5 shqiptarëve, të cilën blinin drogën në Italinë veriore dhe më pas e transportuan në Collescipoli ku, brenda një shtëpie të marrë me qira posaçërisht, ata vazhduan të paketojnë dozat duke ‘ushqyer’ drejtpërdrejt tregun e Ternit, pa ndërprerje.
Aktiviteti i paligjshëm i kryer brenda asaj shtëpie, i vendosur në një zonë të qetë dhe disi e izoluar, u monitorua nga karabinierët nëpërmjet disa kamerave që u pasuan me një kontroll ditët e fundit, ku u arrestuar 5 shqiptarët.
Atyre iu sekuestrua vetëm 300 gram kokainë, materiale për paketimin e drogës, peshore elektronike dhe pothuajse 5,000 euro. Ndërkohë bëhet me dije se shqiptarët kanë përfunduar në një burg në Sabbione./Re.Gu/Fjala.al
