Presidenti i Kosovës, Hashim Thaçi do të paraqitet sot para Prokurorisë Speciale në Hagë për aktakuzën e ngritur për krime lufte.
Hashim Thaçi i mohoi akuzat në daljet e tij në media, madje tha se nëse akuzat do të vërtetohen nga Haga ai do të japë dorëheqjen si President i Kosovës.
Kujtojmë se më datë 24 qershor 2020, Zyra e Prokurorit të Specializuar ka njoftuar se Presidenti i Kosovës, Hashim Thaçi dhe kryetari i PDK-së, Kadri Veseli janë dy të akuzuarit e parë që do të paraqiten në Gjykatën Speciale në Hagë.
Në propozim-aktakuzë pretendohet se Thaçi, Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në propozim-aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë./Re.Gu/Fjala.al
