Tërmeti/ Nis shpërndarja për 3000 përfituesit e lotit të parë në Tiranë

113 563 lexime

124,178FansaPëlqeje

Duke filluar nga dita e sotme tre mijë persona do të jenë përfituesit e parë të dëmshpërblimit nga tërmeti i 26 nëntorit nga Bashkia e Tiranës. Të gjithë përfituesit do të mund të tërheqin pagesat në çdo pikë të postës shqiptare.

Në një mbledhje online ku pjesëmarrës ishin , Kryeministri Edi Rama, kryetari i Bashkisë Tiranës Erion Veliaj dhe Ministri i Rindërtimit Arben Ahmetaj shprehën angazhim maksimal për të vijuar me dëmshpërblimet e të dëmtuarve që janë pjesë e fondit prej 80 milionë dollarësh të parashikuar në buxhetin e shtetit për këtë qëllim.

Gjatë raportimit për ecurinë e procesit në qytetin e Tiranës, kryebashkiaku Veliaj tha se krahas përfituesve të pare, janë në proces edhe dy lote të tjera, që do të kalojnë së shpejti në Këshillin Bashkiak, përkatësisht 3100 dosje që i shtohen listës së personave që përfitojnë aktualisht dëmshpërblimin.

“Ne kemi tashmë të akorduar nga qeveria një fond prej mbi 700 milionë lekësh; 560 milionë janë pagesa cash të familjarëve. Ndërkohë, pjesa tjetër ka të bëjë me rregullimin e ambienteve të përbashkëta. Me grantin që kemi marrë për ambientet e përbashkëta është ezauruar e gjithë kërkesa, ndaj transhi tjetër i 3100 familjeve do të jetë për pagesa cash për dëmet DS1/DS2/DS3”, sqaroi Veliaj.

Ndërsa, theksoi se ka një numër minimal dosjesh të skualifikuara, rreth 300, të cilat i përkasin familjarëve që kanë një shtëpi të dytë po në Tiranë.

Paralelisht me këtë proces, Bashkia e Tiranës ka ecur me nënshkrimin e kontratave për ndërtimin e 200 banesave të para individuale. Bashkia e Tiranës do të ndërhyjë në 243 pallate për të riparuar dëmet në hapësirat e përbashkëta.

Kryeministri Edi Rama theksoi se janë 80 milionë dollarë fonde të cilat do të shpërndahen për të gjithë të dëmtuarit nga tërmeti me nivele dëmi DS1 deri DS3.

Lexo edhe :  Spiropali: Kavaja, organizimi dhe fitorja më e veçante e qarkut Tiranë

“Aktualisht, Bashkia e Tiranës ka 5.6 milionë dollarë në proces. Ndërkohë, jemi në procesin e fillimit konkret të punës në terren për ndërtimin e shtëpive. Qytetarët duhet të kuptojnë se kjo e sotmja është vetëm një pjesë, pasi bashkia po i bën miratimet me lote. Janë dy mbledhje të radhës së Këshillit Bashkiak, ku presim të miratohen 3100 dosje dhe 2000 të tjera. Pra, në total 5100 dosje, për të cilat do të lëvrohen fondet drejtpërdrejt për familjet e dëmtuara”, tha Rama.

Të fundit

Anulohet televotimi/ E gjithë shtëpia në nominim, kush do të largohet të shtunën?

Në mbrëmjen e djeshme, Zarfi i Zi i hapur në shtëpinë e “Big Brother” vendosi që tre banorë –...

Ulja e çmimit të energjisë, OSHEE: Familjet kursejnë deri në 100 euro në vit

Duke nisur nga 1 shkurti 2025 qytetarët do të paguajnë një çmim më të ulët të energjisë elektrike me 8.5 lekë kWh. Po si...

Si asnjëherë më parë/ Ledion Lico ‘shpërthen’ në ofendime ndaj banorit të BBVA

Prime i mbremjes se sotme nisi me videon e bujshme te Loredanes dhe Jozit qe qarkulloi ne rrjet. Ne kete video shfaqet Jozi ku tenton...

76% e shqiptarëve mbështesin SPAK, Vangjeli: “Karamelja” e hidhur e 9 viteve më parë

Instituti Ndërkombëtar Republikan ka publikuar Anketën Kombëtare për Shqipërinë për drejtësinë, partitë politikë, qeverinë dhe liderët. Në të dhënat e nxjerra nga 1200 të...

Ekonomia e klikimeve: Çfarë humbet Shqipëria me mbylljen e TikTok?

Në fundin e muajit dhjetor, kryeministri Rama lajmëroi mbylljen e platformës TikTok në territorin e Shqipërisë për një vit, duke i atribuar kësaj platforme...

Lajme të tjera

Web TV