Prej tre ditësh vijon të jetë aktive një vatër zjarri e cila ka rënë pasditen e djeshme në pyjet e njësisë administrative Zejmen, në qytetin e Lezhës.
Deri më tani tre hektarë pyll dhe shkurre janë djegur, ndërsa ndërhyrja e zjarrfikësve është e pamundur për shkak të terrenit të thyer malor. Aktualisht ndodhen në terren punonjësit e agjencisë së pyjeve në bashkinë Lezhë, të cilët po ndërhyjnë me mjete rrethanore për shuarjen e flakëve të cilët të ndihmuar nga era e fortë po përhapen me shpejtësi në disa drejtime.
Shefi i agjencisë së pyjeve Artan Palushi thotë se për vënien nën kontroll të zjarrit duhet ndërhyrje nga ajri./Re.Gu/Fjala.al
