Drejtori i Ujësjellësit në Bashkinë Shkodër dhe djali i tij janë plagosur me armë zjarri pistoletë pas një konflikti të çastit pasditen e kësaj të marte.
Të plagosur janë shtetasit Mark Molla, me detyrë Drejtor i Ujësjellësit në Bashkinë Shkodër dhe djalin e tij Kristjan Molla.
Ngjarja ka ndodhur rreth orës 16:00, në lagjen “Mark Lula”, në Shkodër, para banesës së autorit, shtetasit Mhill Pllumaj 43-vjeç.
Burime zyrtare bëjnë me dije se 43 vjeçari është arrestuar menjëherë pas ngjarjes nga policia e Shkodrës dhe i është sekuestruar dhe arma me të cilën plagosi babë e bir.
Konflikti dyshohet të ketë nis për motive të dobëta.
Grupi hetimor ndodhet në vendngjarje dhe vijon punën për sqarimin e plotë të rrethanave të ngjarjes.
/En.Br./Fjala.al
