Irani e ka pranuar më në fund se ishte ai që rrëzoi avionin ukrainas me 176 persona në bord.
Sipas Teheranit, ushtria iraniane e goditi “pa dashje” avionin ukrainas ku humbën jetën të 176 persona.
Në deklaratën e Teheranit thuhet se ky ishte një gabim njerëzor, pasi aeroplani fluturoi afër vendit ku ndodheshin Rojet Revolucionare të Iranit.
Sipas Iranit, avioni u mor për një objektiv armik dhe për këtë arsye u godit nga një raketë.
Teherani thotë se autorët do të mbajnë përgjegjësi për këtë ngjarje.
Ndërkaq, pas ngjarjes Irani refuzoi të pranonte autorësinë e hedhjes në erë të avionit ukrainas.
Por, presioni i SHBA-ve dhe Kanadasë sipas të cilëve avioni ishte rrëzuar nga forcat iraniane bëri që Teherani të pranonte fajësinë.
Në një postim në Twitter Presidenti i Iranit, Hassan Rouhani tha se goditja e avionit ukrainas ishte një “gabim i pafalshëm” .
Avioni ukrainas u godit disa orë pas sulmit të Iranit ndaj bazave amerikane në Irak. Avioni sapo ishte ngritur nga aeroporti “Ali Khamenei”, kur u godit nga një raketë e Forcave të Gardës Revolucionare, siç e ka pranuar tashmë edhe vetë Teherani.
Nga sulmi ndaj avionit humbën jetën 176 personat në bord./Fjala.al/
