Italia ka mbyllur kufijtë edhe me Serbinë, Malin e Zi dhe Kosovën.
Ky ka qënë urdhëri që ka nënshkruar Ministri i Shëndetësisë, Roberto Speranza i cili parashikon bllokimin e linjave ajërore, hekurudhore dhe të gjitha mjeteve tokësore nga Serbia, Mali i Zi dhe Kosova vende të cilat I shtohen listës fillestare me 16 shtetet që mbyllen kufijtë.
“Kushdo që ka qenë në këto vende në 14 ditët e fundit – shpjegoi ministri Speranza – I ndalohet hyrja dhe tranziti në Itali”.
Ai gjithashtu theksoi se “Në botë, epidemia është në fazën e saj më të vështirë dhe Italia duhet të mbrohet për të mos sakrifikuar përparimin që ka bërë deri më tani”.
Aktualisht, ndalesa ka të bëjë me 16 shtete: Armenia, Bahrein, Bangladesh, Brazil, Bosnje-Hercegovinë, Kili, Kuvajt, Maqedonia e Veriut, Moldavia, Oman, Panama, Peru, Republika Dominikane, Serbia, Mali i Zi dhe Kosova.
Mali i Zi, i cili qe i pari në Europë që shpalli fundin e epidemisë, tashmë është vendi me rastet më aktive të infeksionit në rajon por tani ka në total 1453 raste aktive ose 231 raste aktive për 100 mijë banorë ndërsa Serbia shënon 66 raste aktive për 100,000 banorë. Maqedonia e Veritu ka 167 raste aktive për 100,000 banorë, Bosnje Hercegovina ka 109, Shipëria 52 raste për 100 mijë banorë, Kroacia 28 kurse Sllovenia 13. /Ra.My. Fjala.al/
