Janë zbardhur detaje të reja nga ngjarja e rëndë e regjistruar pasditen e sotme para kryeministrisë.
Mësohet se 39 vjeçari që tentoi të vetëdigjej është shtetasi Uljan Kolgjegja me profesionin taksist.
Burime bëjnë me dije se ai ndodhej në gjendje të rënduar psikologjike, pasi para dy ditësh i është bllokuar nga autoritet policore leja e drejtimit duke e lënë të papunë.
Ai kishte tentuar të rimerrte patentën, por nuk kishte arritur dot dhe për këtë shkak kaloi në depresion aq sa tentoi të kryente aktin e rëndë.
Fatmirësisht ai u pikas shpejt nga gardistët të cilët lajmëruan forcat “Shqiponja” dhe ndërhyrja e menjëhershme e tyre bëri që ai të shpëtonte pa lëndime.
39 vjeçari Uljan Kolgjegja është shoqëruar në komisariatin nr.1 për t’u marrë në pyetje.
/En.Br./Fjala.al
