Përfaqësuesi i LSI-së në Këshillin Politik, Petrit Vasili deklaroi pas mbledhjes së sotme se opozita mbetet e palëkundur që të diskutojë çdo çështje, por pa logjikën e faktimit të kryer, pa trysni dhe duke i dhënë hapësirë debatit.
Ai tha se nëse për marrëveshjen e 5 qershorit, u deshën 6 muaj, Kushtetutën e vendit kërkojnë që të ndryshohet për 6 ditë
“Një çështje tjetër që është hedhur në Këshillin Politik kanë qenë dhe ndryshimet kushtetuese. Që kanë të bëjnë me të ashtuquajtur lista të hapura. Propozimi, fakt i kryer, është depozituar para 2 ditësh në këshill. Dhe ky diskutim është imponuar që të kryhet brenda 6 ditësh. Nëse për kodin elektoral, marrëveshjen e 5 qershorit, u deshën 6 muaj. Kërkohet që kushtetua e vendit të ndryshohet për 6 ditë. Këshilli politik dhe opozita në Këshill mbetet e palëkundur që të diskutojë çdo çështje, por pa logjikën e faktimit të kryer, pa trysni dhe duke i dhënë hapësirë debatit. Keni parë që në emër të popullit, të vullnetit të tij, flasin hajdutët e votave të popullit.”-, tha Vasili.
/En.Br./Fjala.al
