Qytetarët shqiptarë që i drejtohen territorit të Kosovës nuk do t’u bëhet tamponi për COVID-19.
Këtë lajm e ka bërë të ditur vet Ministri i Shëndetësisë së Kosovës nëpërmjet një postimi në ‘Facebook’ pas takimit me ambasadorin Minxhoz lidhur me vendimin e qeverisë për masat kundër virusit.
Sipas tij ky vendim është bazuar në parimin e reciprocitetit.
Postimi i plotë:
Sapo u takova me ambasadorin e Republikës së Shqipërisë në Kosovë z.Qemal Minxhozi, të cilit i konfirmova se qytetarëve të Republikës së Shqipërisë që hyjnë në territorin e Republikës së Kosovës, nuk u kërkohet testi për COVID-19.
Vendimi i Qeverisë së Kosovës është i bazuar në parimin e reciprocitetit. Si rrjedhojë, nuk kërkohen testime nga qytetarët e Kosovës dhe Shqipërisë dhe as nga bashkëqytetarët tanë nga Lugina e Preshevës.
Bashkë me ambasadorin Minxhozi, u zotuam që do të vazhdojmë bashkëpunimin e ngushtë mes dy shteteve!
#QeveriaHoti /Ra.My.Fjala.al/
