Muzeu “Shtëpia Studio Kadare” ka publikuar disa foto për herë të parë të Helena Kadaresë kur ka qenë vajzë, bashkëshortja e shkrimtarit të madh Ismail Kadare.
Ashtu siç dashuritë e shkrimtarëve janë të mëdhaja dhe ajo mes Helenës dhe Ismailit nuk mund të ishte ndryshe.
Helena (Gusho) Kadare ishte gjimnaziste në Fier kur i dërgoi një letër Ismail Kadaresë, që atëkohë qe student pasuniversitar në Moskë dhe një prej yjeve të rinj të letërsisë shqipe. Në letër, ajo i kërkonte që t’i lexonte tregimin e saj te gazeta “Zëri i Rinisë”.
Sipas rrëfimeve të Helenës, pasi Ismaili kishte lexuar tregimin, i shkroi katër rreshta: “Lexova tregimin tuaj të mrekullueshëm…” dhe se ajo iu përgjigja menjëherë, me disa faqe letër, por nuk i erdhi më ndonjë përgjigje.
Takimi i parë mes Helenës dhe Ismailit do të ndodhte në Tiranë pasi ky i fundit ishte kthyer nga studimet e tij në Moskë. Në takimin e parë, Ismail Kadaresë i pëlqeu aq shumë Helena, saqë nxori një brisk nga xhepi, i preu pak nga flokët bionde, i futi ne xhep dhe iku pa i folur.
/En.Br./Fjala.al
