Shtatoret e Gjergj Kastriotit Skënderbeut nuk i gjen vetëm në Shqipëri dhe Kosove , por dhe në Evropë dhe Amerikë.
Një tjetër shtatore e heroit tonë kombëtar pritet të vendoset në një qytet autokton shqiptar. Shtatorja e Skënderbeut do të vendoset në rrethrrotullimin, në qendër të qytetit të Ulqinit, tek ndërtesa e Komunës.
Edhe bulevardi në të cilin gjendet rrethrrotullimi mban emrin e këtij heroi kombëtar shqiptar. Sipas të përditshmes Vijesti, Ministria e kulturës së Mali të Zi ka dhënë pëlqimin për kërkesën e Komunës së Ulqinit.
Në bazë të projektit të arkitetktit Shpetim Maraj në pjesën frontale të shtatores do të shkruhet në gjuhën shqipe ”Gjergj Kastioti Skenderbeu 1405 – 1468” si dhe në gjuhën malazeze ”Đerđ Kastrioti Skendebeg 1405 – 1468”. /Fjala.al
