SIGAL UNIQA, krenare që solli për herë të parë armët e Heroit Kombëtar në Shqipëri

113 563 lexime

124,178FansaPëlqeje

Sot, më 17 janar, shënohet përvjetori i 556 i vdekjes së Heroit Kombëtar shqiptar, Gjergj Kastrioti Skënderbeu.

Gjergj Kastrioti lindi më 6 maj 1405 dhe ishte djali më i vogël i Gjon Kastriotit dhe i princeshës Vojsava, fëmija i fundit midis 4 djemve dhe 5 vajzave.

Ai ka hyrë në histori si një strateg i shquar i luftimeve mbrojtëse, sepse me një ushtri të vogël mundi të përballonte dhe të shkatërronte ushtrinë osmane, më të organizuarat dhe më modernet e kohës së vet.

Si një burrë i madh shteti, ai udhëhoqi luftën për pavarësi të kombit shqiptar kundër pushtuesit osman, si dhe punoi për bashkimin politiko-shtetëror të popullit shqiptar.

Për 25 vjet me radhë Skënderbeu mbrojti lirinë e popullit dhe të vendit të vet dhe lufta e tij pengoi përhapjen osmane drejt Evropës, për çka fitoi mirënjohjen e Shteteve Evropiane dhe të Papatit të Romës që kur ka qenë gjallë dhe shumë më tepër pas vdekjes.

Emri i Skënderbeut ka qenë burim frymëzimi për rilindasit, shembull i ndritur për t’u pasur në betejat e ndryshimeve për t’i kthyer popullit lirinë, dinjitetin, bashkimin e hapur, rrugën e përparimit.

Në janar të vitit 1468 Skënderbeu u sëmur gjatë zhvillimit të një Kuvendi të thirrur nga ai, në të cilin ishin të ftuar të gjithë princat shqiptarë. Ai vdiq në moshën 63-vjeçare më 17 Janar 1468 në Lezhë.

SJELLJA PËR HERË TË PARË NË SHQIPËRI E ARMËVE TË HEROIT KOMBËTAR

 Armët dhe reliktet e Skënderbeut nuk kishin lëvizur kurrë më parë nga fondi i Muzeut të Vjenës. Por me rastin e 100-vjetorit të Pavarësisë, në vitin 2012, ëndrra për t’u rikthyer pas 600 vjetësh, qoftë edhe njëherë të vetme në atdheun e Heroit tonë Kombëtar, u bë realitet.

Lexo edhe :  Dhunimi i avokatit të Sali Berishës, reagon Argita Malltezi: U godit për shkak të...

Sjellja e armëve të Skënderbeut së bashku me përkrenaren, gravurën dhe kodeksin u ekspozuan për herë të parë në Muzeun Historik Kombëtar. Kjo falë kompanisë së sigurimeve SIGAL UNIQA Group Austria dhe CEO-s së saj, z. Avni Ponari.

Kjo ekspozitë kaloi çdo parashikim ligjor dhe financiar teksa u pagua një prim sigurimi prej rreth 300 mijë eurosh nga SIGAL UNIQA, për armët e Heroit Kombëtar që kapnin vlerën e 25 milionë eurove.

“Përgjegjësitë financiare janë të ndryshme nga përgjegjësitë civile por përgjegjësitë civile mbartin vlera kombëtare. Atëherë, përgjegjësitë financiare zvogëlohen aq më tepër që këto përgjegjësi kanë të bëjnë me një ngjarje që ndodh rrallë në botë.

Askujt në botë besoj nuk do t’i takojë një fat dhe një përgjegjësi e tillë sa të jetë sponsor, mbështetës, sigurues, garantues i një gjëje me vlera kaq të mëdha që rikthente në atdheun e vet pas 600 vjetësh. Askush nuk do ti provojë këto emocione dhe askush nuk e besonte një ditë do të ndodhte një gjë e tillë.

Por kjo gjë ndodhi dhe ne si grup SIGAL UNIQA jemi krenarë që ishim pjesë e këtij programi, pjesë e këtyre emocioneve të mëdha”, do të shprehej në një intervistë themeluesi dhe drejtuesi i SIGAL UNIQA, Z.Avni Ponari.

 Një rol kyç në këtë iniciativë pati edhe Andreas Brandstetter, CEO i “UNIQA Insurance Group”, një ambasador dhe dashamirës shumë i mirë i Shqipërisë.

Të fundit

Në momentin e papërshtatshëm, deputeti i Rithemelimit bën kërkesën e pazakontë

Deputeti i Rithemelimit, Tomorr Alizoti ka marrë fjalën në Kuvend ku nuk i kurseu as emocionet dhe përjetimet personale...

“Çdo ndërtesë do ketë kod unik”/ Balla: Do jemi vendi i parë në Ballkan…

Ministri i Brendshëm Taulant Balla, në fjalën e tij në parlament, deklaroi se Ministria e Brendshme po punon për të pasur regjistër adresash në...

Çfarë po ndodh? FNSH dhe ‘Shqiponjat’ kontrolle ‘blic’ në Fushë-Krujë

Forcat e Ndërhyrjes së Shpejtë dhe Shqiponjat kanë nisur disa kontrolle 'blic' në Nikël të Fushë Krujës. Mësohet se kontrollet po bëhen në disa prej...

I dyshuar si porositësi i dhunës barbare ndaj avokatit/ Ky është Dritan Nano

Personi që po shihni në foto, është Dritan Nano. Sipas grupit hetimor, Nano është organizatori dhe porositësi i dhunës barbare ndaj avokatit Sokol Mëngjesi,...

Makinat përplasen ‘kokë më kokë’, nisen me urgjencë për në spital 4 maturantë

Dy automjete që po udhëtonin maturantët janë përplasur kokë më kokë. Raportohet se ngjarja ka ndodhur në Vlorë. Nga të dhënat paraprake mësohet se...

Lajme të tjera

Web TV