test

Miley Cyrus sërish single, pas ndarjes jep deklaratën e veçantë për Liam

113 563 lexime

124,178FansaPëlqeje

Romanca e Miley Cyrus dhe Cody Simpson ka marrë fund. Një burim konfirmon se çifti u nda disa javë më parë pas 10 muajsh të lidhur. Lajmi për ndarjen e tyre erdhi vetëm disa orë përpara premierës së këngës së saj më të re “Midnight Sky”.

Në fillim të këtij muaji, Simpson, 23 vjeç, publikoi një dedikim të ëmbël për Cyrus, 27 vjeç, në Story në Instagramin e tij, duke shkruar, “I dashuruar me miken time më të mirë”. Simpson ka qenë gjithmonë përkrah këngëtares dhe zbuloi se ajo nuk ka pirë alkool në gjashtë muajt e fundit.

“Të qenit me Miley-n është një gjë e mrekullueshme në jetën time”, është shprehur Cody duke e quajtur yllin e pop-it “krijuese dhe frymëzues si dhe shumë të pavarur” në një intervistë në prill me The Sydney Morning Herald.

Cyrus dhe Simpson u lidhën për herë të parë në tetor 2019, menjëherë pasi ajo u nda nga Kaitlynn Carter, aktorja e njohur me të cilën kaloi një romancë të shkurtër pas ndarjes nga ish-bashkëshorti Liam Hemsworth.

“Ishte herët, por miqësia e tyre është e gjatë dhe më e thellë nga sa e kuptojnë njerëzit. Megjithëse fillimisht u takuan gjatë fazave të tyre më të vështira, ata janë të matur tani dhe janë të përqendruar te shëndeti, puna dhe kalojnë kohë së bashku. Duket mjaft ideale për mua” tha menaxheri i Cody-t, Matt Zeidman.

Miley Cyrus e ka kthyer vëmendjen te ish-bashkëshorti duke kujtuar herën e parë që ka kryer marrëdhënie me një mashkull në moshën 16-vjeçare. Ylli 27-vjeçar foli mjaft hapur kur diskutoi për thyerjen e zemrës, seksualitetin e saj dhe mënyrën sesi Liam Hemsworth ishte mashkulli i parë me të cilin bëri seks në moshën 16-vjeçare.

Lexo edhe :  Njihuni me vajzën që ka pushtuar rrjetet sociale me batutën e saj erotike

“Nuk kam shkuar me ndonjë mashkull deri sa mbusha 16 vjeç dhe përfundova duke u martuar me atë djalë, kështu që kjo është çmenduri”, u shpreh këngëtarja. Megjithatë, pavarësisht se fansat mund të mendojnë ndonjë rikthim të Miley-t me Liam, ky i fundit është lumturisht i lidhur me Gabriella Brooks me të cilën po kalon një romancë prej 8 muajsh./Sa.Ka/Fjala.al

Të fundit

VOA: Vendimi i Apelit për Belerin hap rrugën për zgjedhje të reja në Himarë

Në Shqipëri, Gjykata e Posaçme e Apelit konfirmoi dënimin me dy vite burgim për Fredi Belerin, kryetarin e zgjedhur...

Ish-zëdhënësi i Belerit tregon mesazhet: Djali i Arqille Bollanos më kërcënon

Ish-zëdhënësi i Fredi Belerit, Skerdian Dhuli, pretendon se është kërcënuar nga djali i kryebashkiakut në detyrë të Himarës, Arqille Bollano. Në studion e “Top Story”,...

Pse Kate Middleton nuk e shoqëroi William dhe fëmijët te Taylor Swift

Princi William u argëtua të premten në stacionin e parë të turneut Eras në Londër. Trashëgimtari i fronit britanik u shoqërua në koncertin e...

Sezoni i Gaforreve, me cilat shenja shkojnë më shumë më të ndjeshmit e Horoskopit

Gaforrja është një shenjë uji e sunduar nga Hëna. Njihet si një nga shenjat më të ndjeshme dhe më të orientuara drejt familjes. Humori i...

Takimi me Vuçiç, reagon Kurti: Shkelën marrëveshjet, situata eskaloi për faj të Beogradit

Pas dhjetë muajsh, kryeministri i Kosovës, Albin Kurti dhe Presidenti i Serbisë, Aleksandar Vuçiç takohen në Bruksel në ndërmjetësim të shefit të diplomacisë evropiane...

Lajme të tjera

Web TV