Qytetarët e Shkupit pritet të mblidhen për të disatën herë për të shprehur revoltën e tyre për rritjen e çmimit të energjisë elektrike me 7,4 për qind. Komisioni Rregullator për Energjetikë ka paralajmëruar që kjo rritje të fillojë që nga muaji shtator.
Protesta e radhës është planifikuar të mbahet sonte në orën 19:00 në Sheshin Iliria në Tetovë.
Organizatorët e protestës kanë hapur një faqe në rrjete sociale kundër shtrenjtimit të rrymës elektrike me emrin “BOLL MË”.
Një ditë më parë, në këtë faqe janë publikuar disa material video ku persona të njohur të skenës shqiptare dhe qytetarë të Tetovës japin përkrahjen e tyre. Gjithashtu kanë apeluar qytetarët të marrin pjesë në protestë.
Ndërkaq, një javë më parë protesta janë mbajtur edhe në Kërçovë, Kumanovë, Dibër dhe Shkup.
Komisioni Rregullator për Energjetikë e justifikon rritjen e çmimit prej 7.4% të energjisë me justifikimin e humbjeve të mëdha të furnizuesve MEPSO (Operatori i Sistemit të Transmisionit të Energjisë Elektrike të Maqedonisë së Veriut) dhe ELEM (kompani maqedonase për prodhimin e energjisë elektrike) nga gjendja aktuale me pandeminë COVID-19.
La.Mi/Fjala.al
