Pas deklaratave të Presidentit Meta se do të mbrojë Kushtetutën për çështjen e kufirit detar, ka reaguar edhe Kreu i Grupit Parlamentar të PS, Taulant Balla.
Në një postim në Facebook, Balla ka publikuar një video të vitit 2009, ku në atë kohë Ilir Meta, kreu i LSI ishte në kolaicion me PD.
Sipas Ballës, Meta mbronte marrëveshjen anti-kushtetuese për detin dhe akuzonte për ekstremizëm socialistët.
“Kujtesë: Kur Ilir Meta mbronte marrëveshjen anti-Kushtetuese të Lulzim Bashës për detin dhe akuzonte për ekstremizëm kundërshtarët e marrëveshjes.
Në tetor të 2009, ishte Partia Socialiste ??? e cila i kërkoi Gjykatës Kushtetuese rrëzimin e marrëveshjes si antikombëtare. Berisha, Meta dhe Basha ishin avokatët e asaj Marrëveshje?
Ajo Marrëveshje u rrëzua! ? PARTIA SOCIALISTE MBETET GJITHMONË NË KRAHUN E DUHUR TË HISTORISË”, shkruan Balla./Bl.Ba/Fjala.al
https://www.facebook.com/b.taulant/posts/3291296987582546
