Doktoresha e njohur Anika Dokle ka reaguar lidhur për marrëveshjen Kosovë-Serbi përmes një statusi në Facebook.
Dokle sqaron se shqiptarët kanë të drejtë për skepticizmin e tyre lidhur me këtë marrëveshje , por gjithashtu ironizon ata që përdorin gjuhën e urrejtjes për të sqaruar rëndësinë e marrëveshjes.
Statusi i plotë
Çdo shqiptar ka të drejtë të jetë skeptik për marrëveshjet ndërkombëtare politiko-ekonomike, dhe kur ato janë qartazi në favor të shqiptarëve, sepse të gjithë e dinë çfarë është bërë ndër shekuj me “marrëveshjet”. Shqiptarët gjithashtu, kanë të drejtën të merren edhe me “lapsuset” virtuale të presidentit të SHBA-ve, sepse sytë dhe veshët i kanë vetëm atje, tek aleati strategjik.
Po këta ekspertët e “midhjes dhe peshkut” nuk arrij të kuptoj unë, që me gjuhë urrejtjeje rreken të sqarojnë miletin për rëndësinë e marrëveshjes dhe nivelin e anglishtes.
Po kush i pordhi këta, në fund të fundit?!
Janë një grusht i vogël njerëzish që urrejtjen e kanë më të madhe se një organizatë terroriste.
Gjithë ky vrer nga ç’skuta u del, xhanëm?!
P.S. Në këto kushte, gëzohem dyfish që e ardhmja e shqiptarëve projektohet përtej Atlantikut!/Fjala.al/Ke.Ba
