Marrëveshja Kosovë- Serbi/ Thaçi: Krenar që pas punës së përbashkët me administratën e Trumpit, u formalizuan përpjekjet tona

113 563 lexime

124,178FansaPëlqeje

Presidenti i Kosovës, Hashim Thaçi në një konferencë për mediat ka deklaruar se e mbështet marrëveshjen Kosovë-Serbi të nënshkruar ditën e premte në Uashington.

Thaçi falenderoi Shtetet e Bashkuara të Amerikës duke theksuar se rikthimi i tyre në lidershipin e dialogut është i rëndësishëm. Gjithashtu, presidenti Thaçi falenderoi personalisht presidentin e SHBA-ve, Donald Trump, i cili u angazhua vetë në nënshkrimin e marrëveshjes Kosovë-Serbi.

Fjalimi:

”Mirënjohjen më të thellë për SHBA, që gjithmonë na kanë qëndruar pranë dhe na kanë përkrahur në çdo hap tonin për liri dhe demokraci. Duke nisur nga Bushi i vjetër që ka tërhequr vijën e kuqe me Serbinë për Kosovën. Me Clintonin që hoqi bombardimet e NATO-s për çliruar Kosovën. Me Bushin e ri për pavarësinë. Me Obamën e përkushtuar, dhe Trump që përkrahu themelimin e ushtrisë së Kosovës, dhe tani fuqizimin ndërkombëtar të Kosovës.
Në të gjitha takimet që kam bërë me Trump, më ka folur për Kosovën si vend i mrekullueshëm. Javën e kaluar, ishte një konfirmim tjetër i këtij përkushtimi. Ndihem i lumtur dhe krenar që pas përpjekjeve dhe punës së përbashkët për 2 vite, me administratën e Trump, përkushtim personal të Grenell, të premten formalizohen përpjekjet.

Ndërmarrja diplomatike më serioze e SHBA në 2 dekada për Ballkanin Perëndimor. Gjatë këtij procesi, të vështirë, hasëm në akuza e konspiracione. Me formalizimin e marrëveshjes, këto u treguan të rrejshme, të paqëndrueshme e paragjykuese.
Zhvillimi ekonomik, krijimi i vendeve të punës, projektet infrastrukturore, linjat ajrore, hekurudhore e autostrada kanë qenë prioritet. Si dhe personave të pagjetur dhe atyre të zhvendosur për t’i rikthyer në banesat e tyre.

Dëshmia më e mirë është dhe zotimi dhe veprimi i Kosovës në luftë kundër terrorizmit global. Synimi përfundimtar është paqja dhe stabiliteti në rajon. Të nderuar qytetarë, në këtë rast shpreh konsideratën më të lartë për Trump.

Ajo që është jashtëzakonisht e rëndësishme është kthimi në lidership i SHBA në dialogun Kosovë- Serbi. Kosova po bën dialog prej vitesh me Serbinë. Kemi qenë të përkushtuar dhe të zotuar për një marrëveshje finale për paqe, për njohje të ndërsjelltë. Që kjo të arrihet duhet mbështetje ndërkombëtare, dhe këtë e ofron Uashingtoni. Dhe unitet efikas i skenës politike kosovare. Kosova duhet të vazhdojë të punojë që të konsolidohet. Kam besim të plotë se kështu do vazhdojmë. Kjo miqësi dhe ky besim do të jetë i përhershëm. ”- tha Thaçi.

Lexo edhe :  PD paraqet 15 pikat e programit ekonomik/ Berisha: Fund varfërisë brenda 100 ditëve

re.gu/Fjala.al

Të fundit

Çarja e digës së hidrocentralit të Bunecit, KLSH nis auditimin

Kontrolli i Lartë i Shtetit nis auditim për ngjarjen e djeshme ku u dëmtua HEC-i i Sasaj-t në Lukovë. Kontrolli...

Tik Tok mbyllet të dielën në SHBA

Gjykata e Lartë e Shteteve të Bashkuara ka lejuar të hyjë në fuqi ligjin, i cili do të detyrojë pronarin kinez të TikTok të...

Rrëzimi i avionit në Korenë e Jugut, gjenden pendë zogjsh në të dy motorët

Pupla zogjsh u gjetën në dy motorët e Jeju Air Boeing që u rrëzua në fund të dhjetorit në Muan gjatë operacionit të hetimit...

“Koha nuk pret”, Rama apel emigrantëve:Regjistrohuni dhe votoni të ngremë lart Shqipërinë

TIRANË- Kryeministri  Shqipërisë Edi Rama, u ka bërë thirrje shqiptarëve të Diasporës të regjistrohen në platformën PER, për të votuar në zgjedhjet e përgjithshme të...

Komedia “Ëndërr në Papafingo” e regjisorit Leka Bungo shfaqet në Teatrin Skampa

Komedia e shkruar dhe me regji të Leka Bungos “Ëndërr në Papafingo” u ngjit në skenën e Teatrit Skampa në Elbasan këtë të enjte...

Lajme të tjera

Web TV