10 shtatori është përcaktuar si Dita Botërore e Parandalimit të Vetëvrasjeve. Kjo ditë ka për qëllim rritjen e ndërgjegjësimit në të gjithë botën se vetëvrasja mund të parandalohet.
Vetëvrasjet janë një problem shumë shqetësues. Sipas Organizatës Botërore të Shëndetësisë, një fenomen i tillë është rritur me 60% në të gjithë botën gjatë 45 viteve të fundit.
Po sipas OBSH, çdo vit, rreth 1 milion njerëz vdesin nga vetëvrasja.
Vetëvrasja është fenomen kompleks i cili rezulton si pasojë e një ndërthurjeje të një sërë faktorësh, bëhet fjalë për ata psikologjikë, biologjikë, social, mjedisor dhe kulturorë./Er.Ke/Fjala.al/
