Një aksident i rëndë ndodhi pak më parë në Romanat të Durrësit, ku një makinë përplasi një motor në të cilin po udhëtonin dy persona.
Si pasojë e aksidentit u plagosën rëndë dy personat që udhëtonin me motor, ndërsa bëhet me dije se njëri prej tyre ra nga ura me lartësi prej 40 metër. Personat e aksidentuar janë Fitim Mataj, 39-vjeç nga Sukthi dhe Dëfrim Xhepa të cilët u dërguan me urgjencë në spital.
Ndërkohë në vendngjarje ndodhet policia e cila po punon për zbardhjen e plotë të ngjarjes./Re.Gu/Fjala.al
