Tre nga lojtarët më të shtrenjtë të kombëtare shqiptare te futbollit luajnë për Serinë A.
Portieri i Lacios Thomas Strakosha, mbrojtësi i Napolit Elseid Hysaj dhe mbrojtësi i qendrës së Atalantës Berat Gjimshiti kushtojnë më shumë se të gjithë futbollistët e tjerë.
Thomas Strakosha
Portieri i Lacios, Thomas Strakosha është lojtari më i paguar i kombëtares shqiptare të futbollit. Strakosha vlen plot 25 milionë euro ku duhet theksuar se është edhe vlera më e lartë e tij gjatë gjithë kohës që aktivizohet si lojtar profesionist.
Rojtari i portës së klubit italian është një ndër më të vlerësuarit së fundmi nga mediet vendase. Strakosha është përzgjedhur disa herë me radhë në treshen e portierëve më të mirë që luajnë për Serinë A, kampionati më i madh i futbollit në Itali.
Vlera më e ulët e Thomas Strakoshës ka qenë me klubin e të rinjve të Lacios, ku kartoni i portierit vlente 75 mijë euro.
Elseid Hysaj
Mbrojtësi i djathtë i Kombëtares, Elseid Hysaj mban vendin e dytë si futbollit me vlerën më të lartë që aktivizohet te përfaqësuesja.
Kartoni i Hysaj vlen plot 18 milionë euro, shifër kjo që ka pësuar një rënie të theksuar nga koha kur shkodrani kishte pikun e tij. Shifra më e lartë që ka prekur lojtari i Napolit ka qenë 25 milionë euro, që është e barabartë me vlerën më të lartë deri më tani edhe të Strakoshës.
Performanca jo shumë e lakmueshme e Hysajt kohët e fundit dhe minutazhi i munguar, duket se kanë ndikuar shumë në çmimin e kartonit të lojtarit shqiptar.
Ndërsa, çmimin më të ulët e ka pasur në vitin 2011, kohë kur aktivizohej me Empoli Primavera dhe blerja e mbrojtësit kushtonte vetëm 50 mijë euro.
Berat Djimsiti
Top treshja e lojtarëve me vlerën më të lartë që aktivizohen në Kombëtare plotësohet nga mbrojtësi i qendrës, Berat Djimsiti. Kartoni i Djimsitit kap vlerën e plot 10 milionë eurove, që është edhe shifra më e lartë me të cilën është vlerësuar deri më tani kartoni i mbrojtësit.
Mbrojtësi aktualisht aktivizohet me klubin italian të Atalantës dhe duket se ai luan rol të rëndësishëm aty.
Kartoni i Djimsitit ka pasur vlerën më të ulët në vitin 2011 në kohën kur mbrojtësi aktivizohej me klubin e FC Zurich U18 dhe në atë kohë ai kapte shifrën e 50 mijë eurove.
Mbrojtësi është shumë i rëndësishëm për skuadrën e Atalantës dhe duket se drejtuesit e kësaj skuadre nuk e duan largimin lojtarit me asnjë kusht.
/Përgatiti: Katerina Tafa /Fjala.al/
